Светски ден на филозофијата и Симпозиум „Философијата и мирот“
Како и секоја година, во третата недела од месец ноември Институтот за филозофија при Филозофскиот факултет и Филозофското друштво на Македонија го одбележуваат Светскиот ден на филозофијата востановен од УНЕСКО во 2002 година. Настанот ќе се одржи на 16-17 ноември (четврток, петок) на Филозофскиот факултет во Скопје.
На 16. ноември започнуваме со веќе традиционалниот (мал) пригоден концерт на студентите од Факултетот за музичка уметност. Беседа за филозофијата оваа година ќе одржи Анета Маркоска Чубриновска, научно-наставен соработник на Одделот за филозофија на Универзитетот Кентербери во Крајстчерч, Нов Зеланд. Во рамките на настанот проф. д-р Ристо Солунчев ќе го промовира 19. издание на списанието „Филозофска трибина“ со темат: „Филозофија и политика“. Во подоцнежниот дел од програмата, гости на Филозофскиот факултет ќе бидат колеги од Групата за проучување на ангажираноста при Институтот за филозофија и општествена теорија од Белград, коишто најпрвин ќе ги претстават нивните заеднички активности, а подоцна ќе ги презентираат и своите поединечни истражувања.
Вториот ден целосно ќе биде посветен на традиционалниот Симпозиум по повод Светскиот ден на филозофијата, со годинешна тема: „ФИЛОСОФИЈАТА И МИРОТ“. На симпозиумот ќе можеме да слушнеме 15 излагања на наши врвни филозофи, професори, истражувачи (Ферид Мухиќ, Мирко Ѓошевски, Ѓорѓе Младеновски, Видомир Раденовиќ, Ристо Солунчев, Лидија Георгиева, Љубомир Гајдов, Бранка Минчева Коцевска, Славчо Ковилоски, Маја Стојанова, Бошко Караџов, Коста Милков, Виктор Недески, Верица Костова и Филип Трајковски). По секое излагање, публиката ќе може да постави прашања и да влезе во дијалог со излагачите. Деталната програма на настанот се наоѓа во прилог. Со нетрпение го очекуваме Вашето присуство!World Day of Philosophy and Symposium „Philosophy and Peace“
Like every year, in the third week of November, the Institute of Philosophy at the Faculty of Philosophy and the Philosophical Society of Macedonia mark the World Philosophy Day established by UNESCO in 2002. The event will be held on November 16-17 (Thursday, Friday) at the Faculty of Philosophy in Skopje.