Наша голема чест и задоволство е да го најавиме настапот во Скопје на легендарниот електронски волшебник – Drew McDowall, култна фигура во историјата на електронската музика и човекот кој како композитор и продуцент е одговорен за голем дел од психоакустичната магија на Coil, Psychic TV, Current 93, Throbbing Gristle и други проекти од бранот на рана индустриска, електронска и ритуална музика во текот на културната револуција започната од Genesis P-Orridge, John Balance, David Tibet и нивните соработници.
Неговиот настап во Скопје е дел од светската турнеа која го промовира неговиот нов албум – Unnatural Channel.
Низ својата 40 годишна музичка кариера, Drew McDowall стои како една од најзначајните фигури на модерната електронска музика, но неговите проекти несекогаш завршуваат во студиото. Низ текот на 90те, тој е менаџер на култниот денс-поп состав The Shamen, помага на својата сопруга Rose McDowall во продукцијата на Strawberry Switchblade и стои како ремиксер и промотер на многу од индустриските и прото-електронски состави кои се појавуваат на сцената кон крајот на 20век. Неговиот ремикс-каталог е подеднакво импресивен со проекти за Nine Inch Nails, Chris & Cosey, Surgeon и многу други.
Како прв член регрутиран во Coil од страна на основачите John Balance и Peter ‘Sleazy’ Christopherson, Drew е одговорен за брзиот раст на композициските и продукциски квалитети во песните на Coil, но и за целосното прифаќање експерименталните и окултни правци на групата наместо мејнстрим поп влијанијата од 80те со поставување на богат мозаик на музички влијанија од сферата на класиката, раната електронска музика и нивно комбинирање со спиритуалните и религиозни традиции присутни во музиката на Coil. Овој процес доаѓа до својата логична завршница со издавањето на „Astral Disaster“, „Music to Play in the Dark“ и „Time Machines“, крунски албуми во дискографијата на Coil и воопшто, дел од најважните носачи на звук за развојот на елетронската музика во 21 век. По издавањето на Time Machines и распадот на Coil, McDowall се сели во Бруклин, каде се посветува на модуларната синтеза и својата композиторска работа, правејќи музика за бројни филмови, инсталации и мултимедијални проекти.
Наскоро очекувајте надополнување на програмата!
Цена на билет ќе чини 200 денари, билети се продаваат преку продажните мрежи на МК Тикетс и Купу Карти за Се’ како и на Билетарницата на МКЦ.
23:00 // 17.ноември.2017 // МКЦ Скопје
Cinedays Film Festival x Desonanz production
www.mkc.mk
www.desonanz.org
Drew McDowall, Cinedays 17.11. MCC
It is our great honor and pleasure to announce the appearance in Skopje of the legendary electronic wizard – Drew McDowall, a cult figure in the history of electronic music, and the man who as composer and producer is responsible for much of the psychoacoustic magic of Coil, Psychic TV, Current 93 , Throbbing Gristle and other projects from the wave of early industrial, electronic and ritual music during the cultural revolution started by Genesis P-Orridge, John Balance, David Tibet and their collaborators.
His performance in Skopje is part of a worldwide tour that promotes his new album – Unnatural Channel.
23:00 // 17.november.2017 // MKC Skopje
pre sale ticket from 200mkd